عجب اک نشہء خود آگہی ذہنوں پہ چھاتا ہے

عجب اک نشہء خود آگہی ذہنوں پہ چھاتا ہے
مُحمد مُصطفے` کا نام جب ہونٹوں پہ آتا ہے
ajab ik nashsha e khud agahi zehnoN pa chata hai
Muhammad Mustafa ka naam jab hoNtoN pa aata hai

میں شب کی ساعتوں کو اُن پہ جب قُربان کرتا ہُوں مُجھے لگتا ہے جیسے مُجھ میں کوئی جاگ جاتا ہے
main shab ki sa’atoN kp Un pa jab qurbaan kerta hooN
mujhay lagta hai jaisay mujh main koyee jaag jaata hai

کہاں کی نیند بلکہ میں تو پلکیں تک نہیں جھپکُوں
بھلا ایسے حسیں لمحے کوئی یُوبہی گنواتا ہے
kahaaN ki neend balkay main tou palkaiN tak nahiN jhapkooN
Bhla aisay haseeN lamhay koyee yuNhi gaNwaata hai

اُنہی کی ذات سے ملتا ہے منزل کا نشاں سب کو
اُنہی کا نُور ہے جو راستہ سیدھا دکھاتا ہے
UnheeN ki zaat say milta hai manzil ka nishaaN sub ko
UnheeN ka noor hai jo raasta seedha dikhaata hai

نہ خواہش محل کی مُجھ کو نہ حسرت ہے مناروں کی
مُجھے تو سبز گُنبد کملی والے کا ہی بھاتا ہے
na khwahish mehal ki mujhko, na hasrat hai minaroN ki
mujhay tou sabz guNbad Kamli walay ka hi bhaata hai

تصور حاضری کا ہی عجب سی کیفیت بخشے
کبھی مُجھ کو ہنساتا ہے، کبھی مُجھ کو رُلاتاہے
tasawwar haazri ka hi ajab si kaifiat bakhshay
kabhi mujh ko haNsaata hai, kabhi mujhko rulaata hai

میں جب دہلیز پر اُن کی ہمہ تن گوش ہوتا ہوں
مرے کانوں میں کوئی سرمدی نغمہ سُناتا ہے
main jab dehleez per Unki huma tan gosh hota hooN
meray kanoN main koyee sarmadi naghma sunaata hai

مزہ تب ہے کہ میں چوکھٹ پہ اُکی جان دے ڈالوں
یہ لمحہ وہ ہے جو کوئی کبھی قسمت سے پاتا ہے
maza tab hai keh main chaukhaT pa Unki jaan de DalooN
Yeh lamha woh hai jo koyee kabhi qismat say paata hai

کبھی بھی زندگی میں کوئی مُشکل پڑ نہیں سکتی
وہ اپنے چاہنے والوں سے یُوں رشتہ نبھاتا ہے
kabhi bhi zindagi main koyee mushkil peR na hi sakti
Woh apnay chahnay waloN say yuN rishta nibhaata hai

اسی سے جان لو رُتبہ مُحمد کا جہاں والو
کہ وہ ایسی حقیقت ہے قسم رب جس کی کھاتا ہے
isi say jaan lo rutba Muhammad ka jahaaaN walo
keh who aisi haqeeqat hai, qasam Rab jiski khaata hai

مُجھے ہو فکر کیوں اپنی صبا پھر روزِ محشر کو
مُحمد سے جو رشتہ ہے، مُحمد سے جو ناتا ہے
mujhay ho fikr kyuN apni SABA phir roz e mehshar ko
Muammad say jo rishta hai, Muhammad say jo naata hai